Posts : 1220 Join date : 23.02.2009 Age : 44 Location : Rawalpindi
Subject: صحابہ کرام اور اہلبیت کا باہمی تعلق Sat 19 Dec 2009 - 9:53
صحابہ کرام اور اہلبیت کا باہمی تعلق
صحابہ کرام اہلبیت سے اور اہل بیت صحابہ کرام سے بے حد محبت کیا کرتے بالخصوص چاروں خلفاء راشدین اور اہلبیت اس قدر مضبوط و مستحکم، خاندانی و ایمانی رشتوں میں بندھے ہوئے تھے کہ اس تعلق کو کوئی بھی ایک دوسرے سے ختم نہیں کر سکا۔ خلیفہ اول حضرت ابو بکر صدیق اور خلیفہ دوم حضرت عمر فاروق حضور سرور انبیاء حضرت محمد کے سسر ہیں۔ کیونکہ حضرت ابو بکر صدیق کی صاحبزادی حضرت عائشہ صدیقہ اور حضرت عمر فاروق کی صاحبزادی حضرت حفصہ حضور اکرم کے نکاح میں آئی تھیں۔ خلیفہ سوم سیدنا حضرت عثمان غنی اور خلیفہ چہارم حضرت علی کرم اللہ وجہہ الکریم حضور اکرم کے داماد ہیں۔ حضور اکرم کی دو صاحبزادیاں حضرت ام کلثوم اور حضرت رقیہ یکے بعد دیگرے حضرت عثمان کے نکاح میں آئیں اور خاتون جنت سیدہ حضرت فاطمہ زہرہ حضرت علی کے نکاح میں آئیں۔ سبحان اللہ !! کیا عالی شان تقسیم ہے کہ دو خلفاء حضور اکرم کے سسر اور دو خلفاء داماد ہیں۔ جب ام المومنین حضرت ام حبیبہ حضور اکرم کے نکاح میں آئیں تو ان کے والد حضرت ابو سفیان حضور کے سسر ہوئے اس طرح حضرت ام حبیبہ کے بھائی اور حضرت ابو سفیان کے بیٹے حضرت امیر معاویہ کے حضور اکرم بہنوئی ہوئے۔ ام المومنین حضرت ام حبیبہ مومنوں کی ماں تو ان کے بھائی حضرت امیر معاویہ مومنوں کے ماموں جان ہوئے۔ حضرت ام کلثوم اور حضرت رقیہ چونکہ حضرت فاطمہ زہرہ کی بہنیں تھیں لٰہذا حضرت امام حسن اور حضرت امام حسین کی خالہ ہوئیں اور سیدنا عثمان غنی خالو جان ہوئے۔ حضرت عائشہ ، حضرت حفصہ اور حضرت ام حبیبہ چونکہ حضرت امام حسن اور حضرت امام حسین کے نانا جان حضرت محمد کے نکاح میں آئیں تھیں تو یہ تینوں مقدس خاتون حضرت امام حسن اور حضرت امام حسین کی نانیاں ہوئیں۔ سبحان اللہ !! غور کیجئے صحابہ کرام اور اہلبیت کو اللہ تعالٰی نے کتنی گہری وابستگی عطا فرمائی ہے۔ حضرت ام کلثوم ، حضرت علی کی صاحبزادی، حضرت فاطمہ کی بیٹی اور پیغمبر اسلام کی حقیقی نواسی ہیں۔ امیر المومنین حضرت عمر فاروق کی خواہش تھی کہ ان کی خاندان نبوت سے رشتہ داری قائم ہو جائے چنانچہ آپ نے اپنی اس خواہش کا اظہار حضرت علی سے کر دیا۔ حضرت علی کرم اللہ وجہہ الکریم نے آپ کی اس درخواست کو قبول فرما لیا اور اپنی صاحبزادی حضرت ام کلثوم کا نکاح امیر المومنین حضرت سیدنا عمر فاروق سے کردیا۔ حضرت عمر فاروق کے صاحبزادے حضرت زید بن عمر ، حضرت ام کلثوم ہی کے شکم مبارک سے پیدا ہوئے۔ (دیکھئے بخاری شریف بحوالہ کرمانی 403)
معلوم ہوا کہ حضرت علی حضرت عمر فاروق کے سسر تھے اور خاتون جنت حضرت فاطمہ امیر المومنین حضرت عمر فاروق کی خوش دامن تھیں اور سیدنا حضرت امام حسن اور سیدنا حضرت امام حسین کے آپ بہنوئی ہوئے۔ مسلمانو ! سیدنا حضرت عمر فاروق کا خاندان اہلبیت سے رشتہ کرنے کے لئے خواہشمند ہونا اس حقیقت کی واضح دلیل ہے کہ ان کے دل میں خاندان اہلبیت کا بڑا ادب اور اعلٰی مقام تھا۔ ان کی نگاہ میں خاندان اہلبیت سے رشتے داری کرنا باعث سعادت تھا، اسی طرح حضرت علی بھی حضرت عمر فاروق سے انتہائی محبت اور عقیدت رکھتے تھے۔ حضرت عمر فاروق کی عمر زیادہ تھی مگر اس کے باوجود حضرت علی نے اپنی کم عمر بیٹی کا ان سے نکاح کر دیا۔ یہ واقعہ ان سلام دشمن قوتوں کے لئے عبرت کا تازیانہ ہے جو بظاہر اہلبیت سے اپنی محبت کا ظاہری دم بھرتے ہیں اور جو حضرت عمر فاروق کی شان اقدس میں گستاخی کرکے اپنی آخرت کو برباد کرتے ہیں اور نعوذ باللہ انہیں ظالم، غاصب، مرتد اور بے دین کہہ کر اپنے اعمال کو سیاہ اور داغدار کرتے ہیں۔ کوئی ان ظالموں سے پوچھے اے حضرت عمر فاروق کی گستاخی کرنے والو ! تمہارا حضرت علی کے بارے میں کیا خیال ہے۔ جنہوں نے بقول تمہارے ایک غاصب، ظالم اور مرتد سے اپنی کمسن صاحبزادی کا نکاح کر دیا۔ ذرا سوچئے ! اگر حضرت عمر فاروق ظالم ہوتے تو کیا حضرت علی اپنی بیٹی انہیں دیتے ؟ ہرگز نہیں۔ مسلمانو ! ابتدائے اسلام ہی سے اسلام دشمن قوتوں نے مسلمانوں کے ذہنوں کو خراب کرنے کے لئے صحابہ کرام اور اہلبیت کے مابین اختلاف ابھارا تاکہ بعد میں آنے والے مسلمانوں کو انتشار کا شکار کر دیا جائے۔ ان کی یہ کوشش ہوتی کہ جماعت صحابہ کی کوئی ایسی بات پکڑی جائے جسے اہلبیت کے خلاف ابھارا جا سکے اور اس طرح اہلبیت کی محبت ظاہر کرکے صحابہ کرام کی توہین کی جا سکے۔ آج بھی یہود و نصارٰی کے آلہ کار اس ناپاک سازش میں مصروف ہیں اور صحابہ کرام کی شان میں گستاخی کرکے اپنے بغض و حسد کی آگ کو ٹھنڈا کر رہے ہیں۔ حالانکہ صحابہ کرام اور اہلبیت میں کسی نوعیت کا کوئی ذاتی اختلاف نہ تھا۔ وہ تو ایک دوسرے سے رشتے داریاں کرتے گویا قدرت سے انہیں ایک لڑی میں پرو دیا تھا۔ صحابہ کرام اور اہلبیت کے مقام و مرتبے کا ہم اندازہ نہیں لگا سکتے۔
_________________
casper1980 Moderator
Posts : 11 Join date : 09.12.2009
Subject: Re: صحابہ کرام اور اہلبیت کا باہمی تعلق Sat 19 Dec 2009 - 10:25
Janti Zever Moderator
Posts : 228 Join date : 01.01.2010 Age : 38 Location : United Kingdom
Subject: Re: صحابہ کرام اور اہلبیت کا باہمی تعلق Thu 3 Jun 2010 - 19:59
Wed 14 Aug 2013 - 4:43 by arshad ullah
Subject: صحابہ کرام اور اہلبیت کا باہمی تعلق 
کے سسر ہیں۔ کیونکہ حضرت ابو بکر صدیق 
اور حضرت عمر فاروق 
