منقبت سیدنا صدیق اکبر رضی اللہ عنہ

حقیقت کی زبان صدیق اکبر
صداقت کا بیان صدیق اکبر
وہ حق کا ترجماں صدیق اکبر
نبی کا راز داں صدیق اکبر
کبھی نہ ساتھ چھوڑا مصطفٰی کا
جہاں آقا وہاں صدیق اکبر
مہکتا پھول گلزار نبی کا
بہار بے خزاں صدیق اکبر
نبی کے نام پر سب کچھ فدا ہے
محبت کا نشان صدیق اکبر
نبی نے عظمتیں وہ ان کو بخشیں
زمیں پر آسماں صدیق اکبر
وہ پہلا یار محبوبِ خدا کا
وقارِ دلبراں صدیق اکبر
نیازی میں اور ان کے وصف لکھوں
کہاں میں اور کہاں صدیق اکبر

(عبدالستار نیازی)

اصحابہ چوں شان جدا صدیق دی
چمکی سورج وانگ وفا صدیق دی
سچائی دے پھلاں دا کوئی بوٹا سی
چال وی ہے سی وانگ صبا صدیق دی
وچ قرآن صاحب اتے غور کرو
عظمت دسدا آپ خدا صدیق دی
پاک رسول دے پاک لعاب دا صدقہ سی
ہوگئی ہر اک دور بلا صدیق دی
جو منگی تے جد وی رب کولوں
رد نہ ہوئی کوئی دعا صدیق دی
خود پڑھ لے تاریخ حدیث تے قرآں توں
اک خامی تے یار وکھا صدیق دی

(سید ناصر حیسن شاہ سیالوی)

بیاں ہو کس زباں سے مرتبہ صدیق اکبر کا
پے یار غار محبوب صدیق اکبر کا

الٰہی رحم فرما خادم صدیق اکبر ہوں
تری رحمت کے صدقے واسطہ صدیق اکبر کا

رسل اور انبیاء کے بعد جو افضل ہو عالم سے
یہ عالم میں ہے کس کا مرتبہ صدیق اکبر کا

گدا صدیق اکبر کا خدا سے فضل پاتا ہے
خدا کے فضل سے میں ہوں گدا صدیق اکبر کا

نبی کا اور خدا کا مدح گو صدیق اکبر ہے
نبی صدیق اکبر کا خدا صدیق اکبر کا

ضیا میں مہر عالمتاب کا یوں نام کب ہوتا
نہ ہوتا نام گر وجہ ضیا صدیق اکبر کا

ضعیفی ہیں یہ قوت ہے ضعیفوں کو قوی کر دیں
سہارا لیں ضعیف و اقویا صدیق اکبر کا

خدا اکرام فرماتا ہے اتقا کہہ کے قرآں میں
کریں پھر کیوں نہ اکرام اتقیا صدیق اکبر کا

صفا وہ کچھ ملی خاک سر کوئے پیمبر سے
مصفا آئینہ ہے نقش پا صدیق اکبر کا

ہوئے فاروق و عثمان و علی جب داخل بیعت
بنا فخر سلاسل سلسلہ صدیق اکبر کا

مقام خواب راحت چین سے آرام کرنے کو
بنا پہلوئے محبوب خدا صدیق اکبر کا

علی ہیں اس کے دشمن اور وہ دشمن علی کاہے
جو دشمن عقل کا دشمن ہوا صدیق اکبر کا

لٹایا راہ حق میں گھر کئی بار اس محبت سے
کہ لٹ لٹ کر حسن بن گیا صدیق اکبر کا