عبدالستار نیازی کے کلام

اس کرم کا کروں شکر کیسےادا

اس کرم کا کرو ں شکر کیسے ادا جو مجھ پر میرے نبی کر دیا
میں سجاتا تھا سرکار کی محفلیں مجھ کو ہر غم سے رب نے بری کر دیا
ذکر سرکار کی ہیں بڑی بر کتیں
مل گئیں راحتیں عظمتیں رفعتیں
میں گنہگار تھا بے عمل تھا مگر مصطفٰی نے مجھے جتنی کر دیا
لمحہ لمحہ ہے مجھ پر نبی کی عطا
دوستو اور مانگوں میں میں مولا سے کیا
کیا یہ کم ہے میرے خد ا نے مجھے ا پنے محبوب کا امتی کر دیا
کوئی ما یوس لوٹا نہ دربار سے
جو بھی مانگا ملا میری سرکار سے
صدقے جاؤں نیازی میں لجپا ل کے ہر گدا کو سخی نے سخی کر دیا
جو بھی آیا ہے محفل میں سرکار کی
حاضری مل گئی جس کو دربار کی
کوئی صدیق وفا رو قی و عثمان ہوا اور کسی کو نبی نے علی کر دیا

اے صبا سرکار کی باتیں سنا

اے صبا سرکار کی باتیں سنا
سید ابرار کی باتیں سنا
میں درودوں کے ہوں نغمے چھیڑتا
تو ذرا سرکار کی با تیں سنا
جس سے حاصل ہو سکون دل مجھے
تو ذرا اس یار کی باتیں سنا
ہم نہ جانے کب مدینے جا ئینگے
تو ذرا من ٹھار کی باتیں سنا
میں پڑھوں وجدان میں صل علی
پیار سے دلدار کی باتیں سنا

آنکھوں میں بس گیا بس گیا ہے مدینہ

آنکھوں میں بس گیا ہے مدینہ حضور کا
بے کس کا آسرا ہے مدینہ حضور کا
پھر جا رہے ہیں اہل محبت کے قافلے
پھر یاد آ رہا ہے مدینہ حضور کا
نبیوں میں جیسے افصل و اعلی ہے مصطفے
شہروں میں بادشاہ ہے مد ینہ حضور کا
جب سے قدم پڑے رسالت مآب کے
جنت سے بڑھ گیا ہے مدینہ حضور کا
ہر ذرہ ذرہ اپنی جگہ ماہتاب ہے
کیا جگمگا رہا ہے مدینہ حضور کا
قدسی بھی چومتے ادب سے یہاں کی خاک
قسمت میں جھومتا ہے مدینہ حضور کا
ہو ناز کیوں نہ اس کو نیازی نصیب پر
جس کو بھی مل گیا مد ینہ حضور کا