Administrator
Admin
Posts : 1220
Join date : 23.02.2009
Age : 43
Location : Rawalpindi
 |  Subject: منقبت خواجہ غریب نواز  Thu 17 Jun 2010 - 5:56 | |
|
آئی چھٹی شریف تے چھٹی ظلمت چُھٹی ملی اے غماں دے ماریاں نوں
عرس خواجہ غریب نواز دا اے چن دیوے مبارکاں تاریاں نوں
منزل ملی اے پھیر مسرتاں دی مارے غماں دے تھکیاں ہاریاں نوں
اج ساقی اجمیر دے جگ اندر دتا جام میخانیاں ساریاں نوں
پورے سال پچھوں اللہ فیز کیتی پوری اج امید اے چشتیاں دی
مینوں قسم محمد دی زلف دی اے بلاشبہ اج عید اے چشتیاں دی
اج دی رات مبارک اے چشتیاں لئی اج دی رات اے راز و نیاز دی اے
ڈبا ہویا اے عالم سرور اندر اوندی عجب آواز اک ناز دی اے
یا پیمانہ صراحی نال وجدا اے یا آواز اے نور دے ساز دی اے
ہاتف وجد اندر مینوں کہن لگا ایہہ تے آمد غریب نواز دی اے
جتھے جتھے آج عرس دی ہے محفل اوتھے اوتھے اوتھے ظہور سرکار دا اے
ایویں ای نہیں اے بزم پرنور ہوگئی کِھنڈیا ہویا اے نور سرکار دا اے
میرا ساقی اجمیر شریف والا دیندا گردش اے جدون پیمانیاں نوں
قسم رب دی ساقی بنا دیندا اپنے رِنداں تے تے مست مستانیاں نوں
میرے ساقی نے ساقی بنائے چیڑے کھولے ہوئے نے اونہاں میخانے لکھاں
اک اک چشتی میخانے دے وچ آئے مستی عشق دی لین دیوانے لکھاں
قطب الدین دے کتے میخانے اندر شقی قسمت نوں لوگ سعید کردے
کدھرےٹر جاون پاک پتن دے وچ چشتی سارے فرید فرید کردے
کدھرے قائم سرکار نظام کیتا ولی وچ نظام میخانیاں دا اے
کدھر وچ کلیر صابر پیر میرا بنیا ہویا امام زمانے دا اے
کدھرے تونسے شریف دے ساقیاں نے کائنات نوں مست بنا چھڈیا
شمس و قمر سیال شریف اندر کدھرے دلا وچ نور چمکا چھڈیا
اوتھے نہراں سرور دیاں چلدیاں نیں ڈھیرا جتھے وی چشتیاں لا چھڈیا
کائنات آگئی وجد و حال اندر جام جتھے وی ذرا لہرا چھڈیا
غرض کی اجمیر شریف والے سارا عالم سرور وچ ڈوبیا اے
صائم چشتی وی اج دی بزم اندر ہندالولی دے نور وچ ڈبیا اے
| |
|
Janti Zever
Moderator
Posts : 228
Join date : 01.01.2010
Age : 37
Location : United Kingdom
| |
sohnee
Posts : 68
Join date : 15.12.2009
Age : 38
Location : rawalpindi
| | Subject: Re: منقبت خواجہ غریب نواز Mon 26 Jul 2010 - 8:32 | |
| | |
|
muhammad khurshid ali
Moderator
Posts : 371
Join date : 05.12.2009
Age : 42
Location : Rawalpindi
| | Subject: Re: منقبت خواجہ غریب نواز Tue 27 Jul 2010 - 14:52 | |
| | |
|
Sponsored content
| | Subject: Re: منقبت خواجہ غریب نواز | |
| |
|
