پروردگارِ خَلق سمیع و بصیر ہے

پروردگارِ خَلق سمیع و بصیر ہے


آگاہِ حال ہے کہ علیم و خبیر ہے


عالم تمام اس کے کرم سے ہیں فیضیاب


ہر اک سے بے نیاز اسی کا فقیر ہے


اس کو شعور و فکر میں لائے کسے مجال


اس کی کوئی مثال نہ کوئی نظیر ہے


ایجاد کائنات ہوئی اس کے حکم سے


قادر ہر ایک شے پہ وہ ربِّ قدیر ہے


اس کے بغیر کس کو زمانے میں ہے ثبات


گردش میں کائنات ہے' مہرِ منیر ہے


ہر رنج و غم سے اس کو رہائی ہوئی
نصیب


ذکرِ خدائے پاک میں جو دل اسیر ہے


گھبرائے قطبؔ
گردشِ دوراں سے کس لیے

حلّالِ مشکلات جو اس کا نصیر ہے