ذکر شہادت

Subject: ذکر شہادت Sat 19 Dec 2009 - 9:55

ذکر شہادت

از:۔ ۔ ۔ استاذِ زمن، برادرِ اعلیٰ حضرت، علامہ حسن رضا بریلوی رحمۃ اللہ تعالیٰ علیہ

باغ جنت کے ہیں بہر مدح خوان اہل بیت

تم کو مژدہ نار کا اے دشمنان اہل بیت

کس زباں سے ہو بیان عزوشان اہل بیت

مدح گوئے مصطفی ہے مدح خوان اہل بیت

ان کے گھر میں بے اجازت جبرئیل آتے نہیں

قدر والے جانتے ہیں قدر وشان اہل بیت

رزم کا میداں بنا ہے جلوہ گاہِ حسن وعشق

کربلا میں ہورہا ہے امتحان اہل بیت

کس شقی کی ہے حکومت ہائے کیا اندھیرہے

دن دہاڑ ے لٹ رہا ہے کاروان اہل بیت

خشک ہوجا خاک ہوکر خاک میں مل جا فرات

خاک تجھ پر دیکھ تو سوکھی زبان اہل بیت

فاطمہ کے لاڈلے کا آخری دیدار ہے

حشر کا ہنگامہ برپا ہے میان اہل بیت

گھر لٹانا، جان دینا کوئی تجھ سے سیکھ جائے

جان عالم ہو فدا اے خاندان اہل بیت

سر شہیدان محبت کے ہیں نیزوں پر بلند

اور اونچی کی خدانے قدرو شان اہل بیت

اہل بیت پاک سے گستاخیاں ، بے باکیاں

لَعْنَۃُ اللّٰہِ عَلَیْکُمْ دشمنان اہل بیت

بے ادب گستاخ فرقہ کو سنادے اے حسنؔ

یوں کہا کرتے ہیں سُنّی داستان اہل بیت

Moderator Posts : 11 Join date : 09.12.2009

Subject: Re: ذکر شہادت Sat 19 Dec 2009 - 17:03

Subject: Re: ذکر شہادت Sat 2 Jan 2010 - 21:21

for sharing keep it up

» یوم شہادت حضرت سیدُنا فاروق اعظم (رضی اللہ عنہ)