تضامین چمک تجھ سے پاتے ہیںسب پانے والے

چمک تجھ سے پاتے ہیں سب پانے والے

ہیں جو کہ صدق و صفا پانے والے
عدل پانے والے غنٰی پانے والے
جو ہیں لقب مشکل کشا پانے والے
چمک تجھ سے پاتے ہیں سب پانے والے *********** میرا دل بھی چمکا دے چمکانے والے

جہانوں کی خاطر خدا کی ہو رحمت
جہاں بھر پہ سایہ فگن تیری رحمت
کرم اے امید اے جان رحمت
برستا نہیں دیکھ کر ابر رحمت *********** بدوں پر بھی برسا دے برسانے والے

مدینے کے رستے ہیں جنت کے رستے
ہیں رحمت بداماں مدینے کے رستے
خلد آستاں ہیں مدینے کے رستے
مدینے کے خطے خدا تجھ کو رکھے *********** غریبوں فقیروں کے ٹہرانے والے

حبیب خدا تو، تو زندہ ہے واللہ
تیرا ذکر زندہ، تو زندہ ہے واللہ
پکارے زمانہ ، تو زندہ ہے واللہ
تو زندہ ہے واللہ ، تو زندہ ہے واللہ *********** میرے چشم عالم سے چھپ جانے والے

میں غلام ہوں آقا مجھے ساتھ لے لو
میں ملزم ہوں آقا مجھے ساتھ لے لو
میں زیر ستم ہوں مجھے ساتھ لے لو
میں مجرم ہوں آقا مجھے ساتھ لے لو *********** کہ رستے میں ہیں جا بجا تھانے والے

نگاہوں میں اپنی شرم رکھ کے چلنا
کرم کا دلوں میں عزم رکھ کے چلنا
ذرہ چال اپنی نرم رکھ کے چلنا
حرم کی زمین اور قدم رکھ کے چلنا *********** ارے سر کا موقع ہے اور جانے والے

شقی ہیں جو تیرے غلاموں سے الجھیں
غبی ہیں جو تیرے غلاموں سے الجھیں
ہیں ناری جو تیرے غلاموں سے الجھیں
تیرا کھائیں تیرے غلاموں سے الجھیں *********** ہیں منکر عجب کھانے غرانے والے

حشر تک یونہی ان کا چرچہ رہے گا
ابد تک یونہی ان کا چرچہ رہے گا
ہمیشہ یونہی ان کا چرچہ رہے گا
رہے گا یونہی ان کا چرچہ رہے گا *********** پڑے خاک ہو جائیں جل جانے والے

نہ گھبرا کہ رحمت کی ساعت اب آئی
ہو مژدہ عنایت کی ساعت اب آئی
غلاموں! برات کی ساعت اب آئی
اب آئی شفاعت کی ساعت اب آئی *********** ذرا چین لے میرے گھبرانے والے

ہیں بد مذہب ان کی بزم میں نہ آنا
ہیں ہٹ دھرم ان کے دھرم میں نہ آنا
نیازی کسی کے بھرم میں نہ آنا
رضا نفس دشمن ہے دم میں نہ آنا *********** کہاں تم نے دیکھیں ہیں جندرانے والے