Administrator Admin
Posts : 1220 Join date : 23.02.2009 Age : 43 Location : Rawalpindi
| Subject: تراویح سے متعلق ایک حدیث پاک کی تحقیق Mon 9 Aug 2010 - 8:18 | |
| سوال: میں یہ جاننا چاہتا ہوں کہ وہ حدیث شریف کہاں ہے جس میں حضورصلی اللہ علیہ وسلم نے ارشاد فرمایا میں نے تمہارے لئے تراویح کو سنت قرار دیا- ازراہ کرم اس حدیث شریف کا حوالہ بیان فرمائیں- محمد جاوید پاشاہ،بنجارہ ہلز
جواب: آپ نے جس حدیث پاک کے متعلق دریافت کیا ہے وہ حدیث پاک سنن نسائی،سنن ابن ماجہ،سنن کبری للنسائی، مصنف ابن ابی شیبہ ، جامع الاحادیث والمراسیل اور کنز العمال وغیرہ میں موجود ہے جس کا متن یہاں ذکر کیا جارہاہے:
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ إِنَّ اللَّهَ تَبَارَكَ وَتَعَالَى فَرَضَ صِيَامَ رَمَضَانَ عَلَيْكُمْ وَسَنَنْتُ لَكُمْ قِيَامَهُ -
ترجمہ:ابو سلمہ بن عبد الرحمن رضی اللہ عنھما اپنے والد ماجد حضرت عبد الرحمن رضی اللہ عنھ سے روایت کرتے ہیں،حضرت سیدنا رسول اللہ صلی اللہ علیہ وسلم نے ارشاد فرمایا: بے شک اللہ تبارک وتعالی نے رمضان کے روزے تم پر فرض فرمائے ہیں اور میں نے اس کے قیام تراویح کو تمہارے لئے سنت قرار دیا-
سنن نسائی،کتاب الصیام،ج1،ص 308،حدیث نمبر:2180- سنن ابن ماجہ،ابواب اقامۃ الصلاۃ والسنۃ فیھا،حدیث نمبر:1318- سنن کبری للنسائی،ج2،ص 89،حدیث نمبر:2520- مصنف ابن ابی شیبہ،ج،2،ص286، من كان يرى القيام في رمضان، حدیث نمبر:13- جامع الاحادیث والمراسیل،حرف الشين، حدیث نمبر: 13438 کنز العمال،کتاب الصوم،حدیث نمبر:23659/23660/23722/24289- واللہ اعلم بالصواب – سیدضیاءالدین عفی عنہ ، نائب شیخ الفقہ جامعہ نظامیہ ، ابو الحسنات اسلامک ریسرچ سنٹر ۔ حیدرآباد دکن۔
| |
|
muhammad khurshid ali Moderator
Posts : 371 Join date : 05.12.2009 Age : 42 Location : Rawalpindi
| Subject: Re: تراویح سے متعلق ایک حدیث پاک کی تحقیق Mon 9 Aug 2010 - 12:30 | |
| | |
|