نبی چڑھیا براق اتے

Subject: نبی چڑھیا براق اتے Wed 30 Jun 2010 - 11:23

نبی چڑھیا براق اتے ہواواں مسکرا پیاں
شب اسریٰ نوں رشک آیا فضاواں مسکرا پیاں

جدوں کملی دی بکل مار کے ٹریا نبی سونہا
ایہہ منظر ویکھ کے نوری گھٹاواں مسکرا پیاں

ٹرے سی لامکاں ولے جدوں غم خوار امت دے
نبی دے ہر قدم اتے اداواں مسکرا پیاں

پلک جھپکی تے فرشوں عرش دے سب مک گئے پینڈے
مسافر سفر تک کے سی راہواں مسکرا پیاں

جدوں صلے علی دی گونج گونجی وچ جہاناں دے
مکاں ولامکاں اندر ثناواں مسکراپیاں

گنہ گاراں دی بخشش لئی کہیا جد کملی والے نے
ایہہ گل محبوب دی سن کے عطاواں مسکرا پیاں

سی ہویاں پردہ در پردہ نیازی جو ملاقاتاں
گنہگاراں دی گل بن گئی خطاواں مسکرا پیاں