خاک سورج سے اندھیروں کا ازالہ ہو گا

خاک سورج سے اندھیروں کا ازالہ ہو گا
آپ آئیں گے تو میرے گھر میں اجالا ہو گا

عشق سرکار کی اک شمع جلا لو دل میں
بعد مرنے کا لحد میں بھی اجالا ہو گا

جب بھی مانگو تو وسیلے کی انہیں سے مانگو
اس وسیلے سے کرم اور دوبالا ہو گا ہو گا

سیراب سر کوثر و تسنیم وہی
جس کے ہاتھوں محمد کا پیالہ ہو گا

حشر میں ان کا ہر ایک چاہنے والا ہو گا
میری سرکار کا عالم ہی نرالہ ہو گا

صلہ نعت نبی پائے گا اس دن خالد
وہ کرم دیکھنا تم دیکھنے والا ہو گا