Administrator
Admin
Posts : 1220
Join date : 23.02.2009
Age : 44
Location : Rawalpindi
 |  Subject: وصال مصطفی صلی اللہ علیہ وسلم  Thu 14 Jan 2010 - 5:06 | |
| وصال مصطفی صلی اللہ علیہ وسلم
جدوں وقت رحلت نبی ﷺ دا سی آیا
جدوں آپ نے جانا دنیا توں چاہیا
صحابہ نوں سرکار ﷺ فرمان لگے
عجب شان رحمت سی دکھلان لگے
میرے دوستوں ساتھیوں میرے یارو
میرے غم گساروں میرے پیارو
اساں نوں خدا نے بلایا اے یارو
تے ویلا جدائیاں دا آیا اے یارو
بڑی مہربانی اے میرے تے رب دی
میں منگدا رہیا ہاں سدا خیر سب دی
کدی ظلم نہیں میں کسے تے کمایا
کدی نہیں میں یاروکسے نو ستایا
مگر فیر فی سن لو اے فرمان ساڈا
بدلے دا آج عام اعلان ساڈا
اوہ پچھے اساڈے کرے نہ شکایت
لوے اجو بدلہ کرے نہ رعایت
سے سن کے تڑپ اُٹھے سارے صحابی
مہاجر تے انصار عجمی اعرابی
مکیں کنب گئے مکاں لرز اُٹھے
زمیں تھرتھرائی ، آسمان لرز اُٹھے
گلستان چہ ہر اک کلی رون لگ پئی
مدینے دی ہر اک گلی رون لگ پئی
زمانے دے سب بحر و بر رون لگ پئے
مدینے دے دیوار و در رون لگ پئے
پئے غم دے نعرے سی لاندے صحابی
تے اک بندہ آوندا اے اگے شتابی
صحابی سی اوہ وی تے ناں سی عکاشہ
پیا اوہ وی سی روندا بے تحاشہ
سی معروض ہویا اوہ اتھرو بہاکے
کہن لگا سوہنے نوں نظراں جھکا کے
ڈسادا میں سرکار اے فرمان سن کے
تے بدلے دا آج عام اعلان سن کے
عجب واقعہ اک سنانداہاں آقا
میں بدلہ تساڈے توں چاہندا ہاں آقا
جان اک واری ہوندی سی پئی لڑائی
تساں کولوں مینوں سی تکلیف آئی
تسی اودوں کوڑا چلاندے سو آقا
تے دشمن دے چھکے چھڑاوندے سو آقا
جاں اک کوڑا تساں سی چلایا
میرا جسم کوڑے دی زد وچہ سی آیا
میں چاہنداہاں کوڑا تساں نوں اوہ مارا
تے انج آپ توں اوہدا بدلہ اتاراں
تڑپ پئے صحابہ ایہہ تک کے تماشہ
تے کہندے سی کی ہویا تینوں عکاشہ
ایہہ بدلے دی کی تینوں پئی اے عکاشہ
تیری مت ماری گئی اے عکاشہ
بنی پئی اے جس دے لئی سب خدائی
اوہدے نہیں شکن تک وی متھے تے آئی
اوہ ہس کے عکاشہ نوں فرمان لگے
تے انج شان انصاف دکھلان لگے
توں جلدی عکاشہ اوہ بدلہ اوتاری
تے کوڑا اساڈے بدن اتے ماریں
صحابی نوں فرمایا سوہنے نے جاﺅ
تے زہرا دے کولوں اوہ کوڑا لیاﺅ
تڑپدا ہویا ایک صحابی اے جاندا
تے زہرا نوں سارا اے قصہ سناندا
اے سن کے تڑپ گئی محمد دی جائی
اوہ تڑپی تے تڑپی خدا دی خدائی
سی دتا صحابی نوں کوڑا لیاکے
کہیا سی حسین و حسن نوں بُلا کے
میرے لال نانے دی خدمت چہ جاﺅ
ایہہ میرے تے ویلا اے کم میرے آﺅ
چلو پیش جاکے بدن اپنے کرنا
تے نانے دے قدماں تے سِر جاکے دھرنا
جہنے بدلہ لینا اوہنوں جاے کے کہنا
اسادے توں لے جہڑابدلہ تو لینا
اوہنوں کہنا ایک بدلے سو کوڑا لالے
اوہنوں کہنا ساڈا توں چمڑا اُڈا لے
قصاص اوہنوں کہنا اسی ایں بھرا گے
شفاعت وی محشر نوں تیری کراں گے
کہیوں اوہنوں بیمار اے ساڈا نانا
تے جھلن گے کیویں تیرا تازیانا
کیہو صدمہ کیویں اے زہرا جرے گی
کیہوسن خبر دھی نبی دی مرے گی
چلو جاﺅدوڑو تے جلدی تھیں جاﺅ
اوہ اک کوڑے بدلے جنے مارے کھاﺅ
اے سن کے تے شہزادے دوڑے نے جاندے
تے جاکے تے ترلے عکاشہ دے پاندے
بدن پیش کر کے تے گردن نو اندے
عکاشہ نوں کر کے تے منتاں مناندے
صحابہ نے وہ زور سارا اے لایا
عکاشہ نوں پر رحم ماسہ نہ آیا
اے تک کے تے فرمایا خیرالوریٰ نے
رسول دوعالم نبی مصطفی نے
عکاشہ توں آچھیتی کم نوں مکالے
جیوے تیرا جی کردا کوڑے لگا لے
نویں شرط فیر عکاشہ نے لائی
ادب نال فیر اے گذارش سنائی
میرااِنج بدلہ اے رہندا ادھورا
میں چاہندا ہاں آقا لوان بدلہ پورا
سی جد مینوں لایا تُساں تازیانا
میری پشت ننگی سے شاہِ زمانہ
بدن ننگا ہوئے تے کوڑا میں ماراں
تے انجِ بدلہ پورے دا پورا اُتارں
اے سن کے صحابہ دی ہاہ نگل گئی سی
تے فوراً قمیض آپ نے چا لئی سی
جاں کُرتا سی مُہر نبوت توں چایا
سی ہر پاسے ایک نور ہی نور چھایا
عکاشہ نے جھٹ ہتھوں سُٹ تازیانا
لیا چُم منور محمد دا شانا
خداوند عالم دی رحمت نوں چُم کے
سی مُڑیا اوہ مُہر نبوت نوں چُم کے
کہن لگا مڑ دھون ادبوں جھکا کے
محمد دے قدماں تے اکھیاں لگا کے
میرے آقا لگا تے سی تازیانہ
میں پر بخش دیتا سی شاہِ زمانہ
ایہہ جووی اے ہن میرے سلطان کیتا
ہے دوزخ توں بچنے دا سامان کیتا
میں کی ورناں کی سرکار بدلہ سی لینا
میں کیوں جان بجھ کے سی دوزخ چہ پیناں
عکاشہ دا سر اپنے قدماں تو چاکے
کہیا میرے محبوب نے مسکرا کے
عکاشہ تیرے تے جہنم حرام ایں
تے صائم دا سوہنے نوں لَکھ لَکھ سلام ایں | |
|
Janti Zever
Moderator
Posts : 228
Join date : 01.01.2010
Age : 38
Location : United Kingdom
| | Subject: Re: وصال مصطفی صلی اللہ علیہ وسلم Thu 14 Jan 2010 - 19:32 | |
|  bohat pyara he lekan read kerne me problem he | |
|
Administrator
Admin
Posts : 1220
Join date : 23.02.2009
Age : 44
Location : Rawalpindi
| | Subject: Re: وصال مصطفی صلی اللہ علیہ وسلم Fri 15 Jan 2010 - 4:28 | |
| I will try to upload in JPG. | |
|
Janti Zever
Moderator
Posts : 228
Join date : 01.01.2010
Age : 38
Location : United Kingdom
| |
Raul786
Posts : 1
Join date : 22.04.2010
Age : 36
Location : Lahore
| | Subject: Re: وصال مصطفی صلی اللہ علیہ وسلم Thu 22 Apr 2010 - 18:56 | |
| | |
|
muhammad khurshid ali
Moderator
Posts : 371
Join date : 05.12.2009
Age : 42
Location : Rawalpindi
| | Subject: Re: وصال مصطفی صلی اللہ علیہ وسلم Sat 19 Jun 2010 - 9:49 | |
| | |
|
Sponsored content
| | Subject: Re: وصال مصطفی صلی اللہ علیہ وسلم | |
| |
|
