ہر طرف تیرگی تھی نہ تھی روشنی

ہر طرف تیرگی تھی نہ تھی روشنی
آپ ﷺ آئے تو سب کو ملی روشنی

بزم عالم سے رخصت ہوئی ظلمتیں
جب حرا سے ہودیا ہوئی روشنی

چاند سورج کا انساں پرستار تھا
آپ ﷺ سے قبل اندھیرا تھی روشنی

سوئےعرش علٰی مصطفیٰ ﷺ کا سفر
روشنی کا طلبگار تھی روشنی

ہے وہ خورشیدِاطلاق خیرالبشر ﷺ
جس سے پاتا ہے ہر آدمی روشنی

خلقتِ اولیں خاتم المرسلیںﷺ
آپ ﷺ پہلی کرن آخری روشنی

آُپ ﷺ کے نقشِ پا سے ضیا بار ہیں
دھوپ، سورج، قمر، چاندنی روشنی

ایک امی لقب کا یہ اعجاز ہے
آدمی کو ملی علم کی روشنی

(اعجاز رحمانی)